Memleket basshysy Qasym-Jomart Toqaev mektepte uialy telefon paidalaný jáne pedagogterdiń jaýapkershiligine qatysty zańǵa qol qoidy, dep habarlaidy dalanews.kz.
Aqordanyń málimetinshe, Prezident "Qazaqstan Respýblikasynyń Ákimshilik quqyq buzýshylyq týraly kodeksine pedagog mártebesi máseleleri boiynsha ózgerister engizý týraly" zańdy bekitti.
Jańa qujatta pedagogter men bilim berý uiymdary basshylarynyń oqýshylarǵa qatysty quqyqtyq jaýapkershiligi naqty aiqyndalǵan.
Endi muǵalimder men mektep basshylyǵy bilim alýshylar nemese tárbielenýshilerge qatysty oqiǵalar úshin tek resmi jumys ýaqytynda jáne sabaq kezinde ǵana jaýapty bolady. Bul ózgeris pedagogterdi sabaqtan tys ýaqytta nemese mektepten tys jerde balalardyń qatysýymen bolǵan jaǵdailar úshin negizsiz jaýapqa tartýdan qorǵaýǵa baǵyttalǵan.
Sonymen qatar zań aiasynda Oqý-aǵartý ministrligine jańa quzyret berildi. Ministrlik orta bilim berý uiymdarynda oqýshylardyń uialy telefon qoldaný tártibin jeke ázirlep, bekitedi.
Bul bastama mekteptegi oqý protsesiniń sapasyn arttyrýǵa, balalardyń sabaq kezinde smartfonǵa alańdamaýyn retteýge jáne bilim berý uiymdarynda tártipti kúsheitýge baǵyttalǵan.
