Qasietti Ramazan aiynda Túrkistanda muqtaj jandar qoldaý kórsetiledi
– Barshańyzdy múbárak Ramazan aiynyń kelýimen shyn júrekten quttyqtaimyn! Uly Jaratýshynyń pendelerine tartqan teńdessiz syiy — qasietti Ramazan – sansyz sezimder men tolyp tasyǵan izgi oilardyń saltanat qurǵan, kún men tún de tutastai Jasaǵan Iemizdiń raqymy men meiirimine tunǵan ai. Basqa ýaqytpen salystyrǵanda, jaqsylyqtar men saýaptardyń sansyz eselenip jazylar aiy da osy – Ramazan. Oraza adam janyn tazartyp, jaman qylyqtardan saqtaidy, – dedi Túrkistan oblysynyń bas imamy.
Musabek Aqtamberdi kásipker jomart, janashyr azamattardy, kómekke muqtaj jandarǵa qamqorlyq kórsetýge, qaiyrymdylyq jasaýǵa, jetim men jesirge meiirimdilik tanytyp, qaraýsyz qalǵan qarttarǵa kóńil bólýge shaqyrdy.
Túrkistan qalalyq ortalyq «Hilýet» meshitiniń bas imamy Júsipbek Aidarbekuly Qasymbekov, Túrkistan qalalyq eńbek jáne soǵys ardagerler keńesiniń tóraǵasy Jarqynbek Qulbaimbetov jáne oblystyq aqsaqaldar alqasynyń tóraǵasy Jarylqasyn Áziretbergenov te baspasóz máslihatynda jýrnalister suraǵyna jaýap berdi. Sonymen qatar, qasietti aida tek qana iship-jeýden ǵana emes, ósek-ǵaibat syndy jaman ádet-qylyqtardan aýlaq bolýdy aitty. Óitkeni, oraza - tek iship-jeýden tyiylý úshin ǵana emes, sondai-aq, qulaq, kóz, aýyz kúnálarynan da saqtaný úshin ustalady. Sol úshin qulshylyq amaldarymyzdy kóbeitip, kóbirek Allany eske alyp, jiirek Quran oqyǵan abzal ekendigin jetkizdi din ókilderi.
Al zeket berý – jaǵdaiy kelgen (shariǵat boiynsha nisap mólsherine jetken) musylmanǵa paryz. Bas imam zeket berekeli Ramazan aiynda berilse, onyń da saýaby eselenip jazylatynyn aitty.
Túrkistan oblysy ákiminiń baspasóz qyzmeti
