Talǵarda jaýyzdyqpen qaza tapqan 16 jastaǵy Sherzattyń ákesi barlyq kúdiktini qamaýǵa alýdy talap etip otyr, dep habarlaidy Dalanews.kz.
Marqumnyń ákesiniń talaptary
Ákesiniń sózine súiensek, qylmysqa qatysqandardyń arasynda eki qyz da bolǵan.
“Ustalǵan jigitter Talǵarda bolsa, osy jerde ekenin kórsetińizder. Meniń kózimshe eki qyzdy qamańyzdar. Olar kýáger emes. Olar da pyshaq ustady. Ekspertiza jasańyzdar. Sol pyshaqtyń izi bar”, - dedi marqumnyń ákesi politsiia ókilderine.
IIM pikiri
Al kúni keshe Ishki ister ministri Erjan Sádenov oqiǵaǵa qatysty pikir bildirgen edi.
“Almaty oblysynyń Talǵar aýdanynda oryn alǵan kámeletke tolmaǵan balanyń ólimine qatysty mán-jailar meniń jeke baqylaýymda. Oqiǵa ornynda birinshi orynbasarymnyń basshylyǵymen IIM qyzmetkerlerinen quralǵan top jumys isteýde. Kináliler tiisti jazasyn alady”, - dedi ol.
Prokýratýranyń málimdemesi
Sonymen qatar búgin, 8 qazan kúni, Almaty oblysynyń prokýratýrasy Talǵar qalasynda kámeletke tolmaǵan jasóspirimniń ólimine qatysty málimdeme jasady.
Aitýlarynsha, qylmys qatań baqylaýǵa alynǵan.
“Biz dúiim jurttyń alańdaýshylyǵyn túsinemiz. Marqumnyń otbasy men jaqyndaryna qaiǵyra kóńil aitamyz. Resmi túrde málimdeimiz, bul qylmys prokýratýra qyzmetkerleriniń erekshe baqylaýyna alynǵan”, - delingen prokýratýranyń habarlamasynda.
Quqyq qorǵaý organdarynyń áreketteri
Sondai-aq prokýratýranyń málimetinshe, qylmysqa kúdikti retinde jeti adam ustalyp, olarǵa sot tarapynan eki ai merzimge qamaqqa alý týraly sanktsiia berilgen.
“Barlyq jaǵdaidy anyqtap, kinálilerdi jaýapqa tartýǵa baǵyttalǵan obektivti tergeýdi qamtamasyz etemiz. Barlyq azamatqa ýáde beremiz, bul qylmysqa qatysy bar tulǵalarǵa jazadan jaltarýǵa múmkindik berilmeidi”, - dep málimdedi prokýratýra ókilderi.
Qaiǵyly oqiǵa týraly aqparat
Eske salaiyq, qaiǵyly oqiǵa 4 qazanǵa qaraǵan túni bolǵan edi. Sýyq qarý asynǵan bir top jigit marqum jasóspirimge, onyń aǵasy men ákesine shabýyl jasaǵan. Sherzattyń ákesi jalǵa dúken alyp, saýda jasaýmen ainalysatyn. Arty ólimmen aiaqtalǵan tóbeles osy dúkennen bastalǵan.
Sherzattyń ápkesiniń pikiri
Osy tusta marqumnyń ápkesi Baqyt Reimova politseiler tóbeleske qatysýshylardyń bárin áli qamaýǵa almaǵanyn aitady. Ol quzyrly organdardan kúdiktilerdiń bárin ustap, kórsetýin talap etip otyr. “Eger rezonans jasamasaq, bizdi eshkim estimeidi. Inim áskeri qyzmetker bolǵysy keldi. Qanshama armandary ishinde ózimen birge ketti. Sondai ókinishti jaǵdai. Bulai bolmaýy kerek edi”, - deidi Baqyt Reimova.
Marqumnyń ápkesiniń aiyptaýlary
Ápkesiniń aitýynsha, Sherzatty kúdiktiler aiýandyqpen óltirgen. Qansyrap jatqanynda kúdiktilerdiń bireýi artynan kelip, avtomatpen urǵan eken.
"Máiitti óz kózimmen kórdim. Balanyń basy qaq aiyrylyp ketken. 30-ǵa kelgen erkekter 16-daǵy jasóspirimge jabylǵan. Ákesin sabap, baýyrymdy úsh jerden pyshaqtap ketken. Bir syra bermegeni úshin óldi. Masqara ǵoi. Ákesine qorǵan bolǵany úshin óltirip ketti. Endi olardy nege shyǵaryp jiberedi? Ádildik qaida? Qai memlekette ómir súrip jatyrmyz? Osylai bizdiń balalarymyz ólip kete bere me? Bul ne degen sumdyq?”, - deidi marqumnyń ápkesi.
Kúdiktilerdiń sany
Sherzattyń týystary keminde 13 kúdikti baryn aitady. Alaida politsiia 7 adamdy ǵana ustapty. Oqiǵa ornynda bolǵan Sherzattyń ákesi de málimdeme jasady. Ol ádil sot talap etti.
