Ministrdiń aitýynsha, ol keshe tún ortasyna deiin otyryp, Almatyda oryn alǵan oqiǵalardyń beine jáne fotojazbalaryn túgel qarap shyqqan.
Mysal retinde ministr atys kezinde Almaly aýdandyq ishki ister bóliminiń mańynda júrdim degen áieldiń suhbatyn aityp otyr. Ol áieldiń aitýynsha, qylmysker «Alla ýákbar» dep aiqailaǵan.
Aita keteiik, «Trýbina» gazetiniń burynǵy bas redaktory Almat Azadi de búgin ózi jazǵan materialynda qylmysker «Alla ýákbar» dep aiqailaǵanyn estidim dep jazǵan.
«Beinekameranyń jazbasynda men ondai eshteńe estigen joqpyn... Bul baryp turǵan ótirik. Jáne bul suhbat (kýáger áieldiń - agenttik) internetke shyqqan. Odan keiin sýpermarkette halyq tutqynǵa alyndy degen aqparat tarady. Bul aqparat ta internet arqyly tarady. Biz qazir ol aqparattardy tekserý úshin adamdarymyzdy jiberdik. Qazir jalǵan aqparat taratqan adamdarǵa qatysty qylmystyq is qozǵadyq jáne sol blogerler men tilshige advokat izdei berýge keńes beremin», - dedi Q.Qasymov.
Derekkóz: Qazaqparat
