Búgin Hasan Qasymbaevqa qatysty kezekti sot otyrysynda qorǵaý taraby sýdiaǵa qarsylyq bildirdi, dep habarlaidy Dalanews.kz.
Qasymbaevtyń advokaty Erlan Mendeshev sot tóraǵasy Ainagúl Tuqýbaevaǵa qarsylyq bildirdi. Onyń aitýynsha, sot birneshe ret qorǵaý tarabynyń isti tolyqtyrýǵa qatysty ótinishterin qanaǵattandyrmaǵan. Oǵan minezdeme beretin materialdar men beinejazbalar da kirmei qalǵan.
«Qorǵaý taraby Qasymbaev Erjanǵa qatysty minezdemelik materialdardy iske qosýdy birneshe ret surady. Advokat sizge bergen derekter onyń eshqashan uialy telefon qoldanýǵa qatysy bolmaǵanyn dáleldeidi. Biraq siz isti tolyqtyrýdan bas tarttyńyz. Ekinshi advokattyń beinejazbany qosýdy suraǵan ótinishin de qabyldamadyńyz. Qazir siz negizsiz túrde jábirlenýshilerdiń jaǵyna shyǵyp otyrsyz. Sotty ádiletsiz qaraǵanyńyz úshin sizge qarsylyq bildiremin», – dedi Mendeshev.
Aita keteiik, sýdiaǵa qarsylyq bildirý – eger taraptardyń pikirinshe, tóraǵalyq etýshi istiń nátijesine tikelei ne janama túrde múddeli bolsa nemese onyń beitaraptyǵyna kúmán týdyratyn jaǵdailar bolsa, sýdiany isten shettetý talaby.
Qazaqstan zańnamasyna sáikes, sýdiaǵa qarsylyq bildirýdiń negizderi Qylmystyq-protsestik kodekstiń 87-babymen retteledi.
