Memleket basshysy Alemcloud Ulttyq sýperkompiýter ortalyǵyna baryp, NVIDIA H200 grafikalyq protsessorlary bazasynda jasaqtalǵan sýperkompiýterdi iske qosý rásimine qatysty,- dep habarlaidy Dalanews.kz Aqordaǵa silteme jasap.
Jańa data-ortalyqtaǵy júieni Tsifrlyq damý, innovatsiialar jáne aeroǵarysh ónerkásibi ministrligi halyqaralyq seriktestermen birge ornatyp, paidalanýǵa berdi.
Jańa sýperkompiýter klasteri FP8 formatynda esepteý ádistemesi boiynsha 2 ekzaflopsqa deiingi ónimdilikti qamtamasyz ete alady. Esepteý qýaty jaǵynan Ortalyq Aziia óńirindegi eń úzdigi sanalady.
Qasym-Jomart Toqaev sýperkompiýterdiń iske qosylýy elimizdegi negizgi salalardy tsifrlandyratyn mańyzdy qadam ekenin atap ótti. Bul Qazaqstannyń tsifrlyq tehnologiialardy damytýda aitarlyqtai órkendeýine yqpal etedi.
Sýperkompiýterdiń esepteý qýatyn neirojeli sheshimderin ázirleýmen ainalysatyn startaptar, ýniversitetter men ǵylymi ortalyqtar, sondai-aq memlekettik mekemeler men jeke kompaniialar paidalana alady.
