Memleket basshysynyń AQSh-qa jasaǵan jumys sapary barysynda Amerikada turatyn jáne bilim alyp jatqan otandastarmen kezdesý ótti. Prezidentpen júzdesý baqytyna ie bolǵan otandastar arasynda Almaty qalasynyń bilim berý júiesiniń ókilderi de boldy, dep habarlaidy Dalanews.kz.
Qazirgi ýaqytta «Bolashaq» halyqaralyq stipendiialyq baǵdarlamasy aiasynda biliktiligin arttyryp júrgen Almaty qalasy Bilim basqarmasy basshysynyń orynbasary Aidyn Sailaýbai jáne Naýryzbai aýdandyq bilim bóliminiń basshysy Saltanat Qusaiynova Vashingtondaǵy kezdesýge qatysty.
Kezdesý jyly ári senimdi atmosferada ótti. Prezident jas býynǵa úlken úmit artatynyn atap ótip, memleket jastardy damytý jáne olardyń ózin-ózi júzege asyrýy úshin barlyq qajetti jaǵdailardy jasaýǵa basymdyq beretinin jetkizdi.
Áńgimelesý barysynda aldaǵy respýblikalyq referendýmǵa erekshe nazar aýdaryldy. Prezident jańa Konstitýtsiia jobasy boiynsha ótetin referendýmdy elimizdiń bolashaǵy úshin tarihi mańyzy bar oqiǵa dep atady.
Óz kezeginde, «Bolashaq» baǵdarlamasynyń stipendiattary, stýdentter men jas ǵalymdar ǵylym men bilim salasyna kórsetilip jatqan jan-jaqty qoldaý jáne otandyq bilim berý júiesin odan ári damytý úshin sheteldiń ozyq tájiribesin igerýge jasalǵan múmkindik úshin Qasym-Jomart Toqaevqa alǵystaryn bildirdi.
