مەملەكەت باسشىسىنىڭ اقش-قا جاساعان جۇمىس ساپارى بارىسىندا امەريكادا تۇراتىن جانە ءبىلىم الىپ جاتقان وتانداستارمەن كەزدەسۋ ءوتتى. پرەزيدەنتپەن جۇزدەسۋ باقىتىنا يە بولعان وتانداستار اراسىندا الماتى قالاسىنىڭ ءبىلىم بەرۋ جۇيەسىنىڭ وكىلدەرى دە بولدى، دەپ حابارلايدى Dalanews.kz.
قازىرگى ۋاقىتتا «بولاشاق» حالىقارالىق ستيپەنديالىق باعدارلاماسى اياسىندا بىلىكتىلىگىن ارتتىرىپ جۇرگەن الماتى قالاسى ءبىلىم باسقارماسى باسشىسىنىڭ ورىنباسارى ايدىن سايلاۋباي جانە ناۋرىزباي اۋداندىق ءبىلىم ءبولىمىنىڭ باسشىسى سالتانات قۇسايىنوۆا ۆاشينگتونداعى كەزدەسۋگە قاتىستى.
كەزدەسۋ جىلى ءارى سەنىمدى اتموسفەرادا ءوتتى. پرەزيدەنت جاس بۋىنعا ۇلكەن ءۇمىت ارتاتىنىن اتاپ ءوتىپ، مەملەكەت جاستاردى دامىتۋ جانە ولاردىڭ ءوزىن-وزى جۇزەگە اسىرۋى ءۇشىن بارلىق قاجەتتى جاعدايلاردى جاساۋعا باسىمدىق بەرەتىنىن جەتكىزدى.
اڭگىمەلەسۋ بارىسىندا الداعى رەسپۋبليكالىق رەفەرەندۋمعا ەرەكشە نازار اۋدارىلدى. پرەزيدەنت جاڭا كونستيتۋسيا جوباسى بويىنشا وتەتىن رەفەرەندۋمدى ەلىمىزدىڭ بولاشاعى ءۇشىن تاريحي ماڭىزى بار وقيعا دەپ اتادى.
ءوز كەزەگىندە، «بولاشاق» باعدارلاماسىنىڭ ستيپەندياتتارى، ستۋدەنتتەر مەن جاس عالىمدار عىلىم مەن ءبىلىم سالاسىنا كورسەتىلىپ جاتقان جان-جاقتى قولداۋ جانە وتاندىق ءبىلىم بەرۋ جۇيەسىن ودان ءارى دامىتۋ ءۇشىن شەتەلدىڭ وزىق تاجىريبەسىن يگەرۋگە جاسالعان مۇمكىندىك ءۇشىن قاسىم-جومارت توقايەۆقا العىستارىن ءبىلدىردى.
