Qasym-Jomart Toqaevty Reseı Prezıdenti Vladımır Pýtın Kremlde qarsy aldy,- dep habarlaıdy Dalanews.kz
Eki el prezıdentteriniń vıdeosyn Aqordanyń baspasóz qyzmeti jarıalady.
"Qol alysqannan keıin memleket basshylary Uly Jeńistiń 80 jyldyǵyna arnalǵan áskerı paradqa qatysý úshin Qyzyl alańǵa bet aldy", – delingen resmı habarlamada.
Kreml 29 eldiń kóshbasshysy sharaǵa qatysatynyn rastady.
Minberde prezıdent Qasym-Jomart Toqaev otyrady, al áskerı sherýge Qazaqstan Respýblıkasynan Keńes Odaǵynyń Batyry, general-maıor Ivan Panfılov atyndaǵy Desanttyq-shabýyldaý áskeri 37-shi brıgadasynyń jaýyngerleri qatysty. Saltanatpen sap túzegen qazaqstandyq 80 sarbazdy polkovnık Almas Tólegenov bastap júrdi.
