NCOC kompaniiasynan memleket paidasyna qarajat óndirip alý jumystary jalǵasyp jatyr. Bul týraly Ádilet ministrligi málimdedi, dep habarlaidy dalanews.kz.
Vedomstvo málimetinshe, búgin keibir buqaralyq aqparat quraldarynda "NCOC kompaniiasynan memleket paidasyna qarajat óndirip alý jónindegi atqarýshylyq is júrgizý toqtatyla turǵany" týraly aqparat taraǵan.
"Qazir NCOC kompaniiasy memlekettik sot oryndaýshynyń áreketine shaǵymdanýyna bailanysty Atyraý oblysynyń mamandandyrylǵan aýdanaralyq ákimshilik soty atqarýshylyq is júrgizý materialdaryn suratqan. "Atqarýshylyq is júrgizý jáne sot oryndaýshylarynyń mártebesi týraly" zańnyń 42-babynyń 13) tarmaqshasyna sáikes sot atqarýshylyq is júrgizýdi talap etken jaǵdaida atqarýshylyq is júrgizý ony sot qaitarǵanǵa deiin toqtatyla turady", - dep jazylǵan habarlamada.
Osylaisha, NCOC kompaniiasynan memleket paidasyna qarajat óndirip alý boiynsha jumys zańda belgilengen tártippen jalǵaspaq.
