Erlan Tynymbaiuly bul qyzmetke Qazaqstanda aqparattyq qaýipsizdikti kúsheitýge, sońǵy jyldary qatty álsirep qalǵan memlekettik aqparattyq ideologiialyq baǵytty qalpyna keltirýge jáne strategiialyq mańyzy zor jumysty atqarý úshin Elbasynyń sheshimimen taǵaiyndaldy.
Erlan Tynymbaiulynyń osy qyzmetke taǵaiyndalǵanyn Aqparat jáne Kommýnikatsiialar ministri Dáýren Abaev habarlady.
«Búgin «Qazaqstan» RTRK» AQ ujymyna jańa basshy – Erlan Qarindi tanystyrdym. Erlan Tynymbaiuly bilikti saiasattanýshy, ideolog, elimizdiń shynaiy patrioty retinde kópshilikke jaqsy tanys ekenine esh kúmánim joq. Endigi jerde oǵan elimizdegi eń iri media qurylymnyń jumysyn odan ári damytý tapsyrylyp otyr. Erlan Tynymbaiuly buǵan deiingi irgeli sharalardy odan ári jalǵastyryp, korporatsiiany jańa deńgeige kóteredi dep senemin», – dep jazdy ministr áleýmettik jelidegi paraqshasynda.
Bul Teleradiokorporatsiia jáne onyń quramyna kiretin aqparattyq agenttikter memlekettik saiasatty quraidy ári memlekettik saiasatty nasihattaidy. «Qazaqstan» Respýblikalyq Teleradiokorporatsiia quramyna «Qazaqstan» Ulttyq telearnasy, «KAZsport» telearnasy, «Balapan» telearnasy, «Mádeniet» telearnasy, Qazaq radiosy, «Shalqar» radiosy, «Astana» radiosyn jáne de aimaqtyq teleradiokompaniialar kiredi. Ol Qazaqstandaǵy jáne aimaqtaǵy eń iri Teleradiokorporatsiia bolyp tabylady.
Erlan Tynymbaiuly Qarin – memleket jáne qoǵam qairatkeri, saiasattanýshy ǵalym.
2014 jyldyń 16 qazan kúninen bastap QR Prezidenti janyndaǵy Strategiialyq zertteýler institýtynyń direktory qyzmetin atqarǵan. Aita keter bolsaq, Erlan Tynymbaiuly basshylyqqa kelgennen keiin, QSZI – álemniń 6 myńnan astam saraptamalyq institýttary men ortalyqtarynyń ishinde úzdik 150-ge kirdi. Osyǵan deiin, bul teleradiokorparatsiiany menedjerler men kadrlyq jýrnalistter basqarǵan bolatyn. Teleradiokorporatsiia basshylyǵyna tuńǵysh ret saiasi qairatker taǵaiyndalyp jatyr.
Derekkóz: Qamshy portaly
