Is-shara BUU-nyń № 1 turaqty damý maqsatyn iske asyrý sheńberinde ótkizildi.Is-sharanyń basty maqsaty-shákirtterge úlkendi syilaý, qariiany qurmetteý kerektigin túsindirý. Ardagerler men qarttar aldyndaǵy paryzymyzdy bilemiz. Bul paryz – olarǵa qamqorlyq kórsetý, olardy qoldaý arqyly óteletinin uǵyndyrý. Asyly, úlkendi syilaý, olarǵa qurmet kórsetý - ata-babadan kele jatqan qasiet-saltymyz. Qarttary bar el - qazynaly el.
Jastyq shaǵyn elimizdiń gúldenýi men órkendep damýyna arnap, mańdai terin tókken atalar men ájelerge qurmet kórsetý memleket tarapynan ǵana emes – qoǵamnyń barlyq ókilderiniń, ásirese jas býynnyń basty paryzy ekenin de umytpaǵan jón. Osy qoǵamnyń irgetasyn nyǵaitý úshin búgingi jas býynǵa úlgili, ónegeli tárbie beretin, eljandylyqqa baýlý siiaqty moraldyq normalardyń bastaýynda qazynaly qarttarymyzdyń turǵanyn árqashan este ustaýymyz qajet. Sonymen qatar elimizdiń jas azamatyn otansúigishtikke tárbieleý men belsendi ómir ustanymyn qalyptastyrýda da ardager ata-apalarymyzdyń ómiri men eńbek joldary úlgi. Urpaqtar sabaqtastyǵy jarasymymen saqtalsa eldiń berekesi de, merekesi de taýsylmasy anyq.Shákirtterimiz ardagerlermen kezdesý barysynda olardyń basynan ótken qiynshylyqtaryn estip ózderine ónege alǵandai boldy.Qariialar batasyn berip alǵystaryn bildirdi.Qoǵamda ardagerlerdiń orny orasan zor.Qarty joq qoǵam bas bilmei ketken asaý syndy bolady desek, qarttary bola tura qurmettemeý odan beter qaiǵy ekeni aitpasa da belgili. «Kárisi kimniń joq bolsa, jastary bolar dýana» dep Mahambet batyr aitqandai úlkenderdiń orny qoǵamda áldeqaida erekshe ekeni daýsyz. Úlkenderge laiyq syi-qurmet jasap, alǵysyna bólený – adam balasynyń boiyndaǵy tektiliginiń belgisi. Der kezinde asyl qazynamyzdy baǵalap, syi-qurmet kórsetip, ónegeli ǵumyrynan ǵibrat alyp, sol asyldarymyzdyń qadir-qasietin túsinip, baǵalaǵan jón dep sanaimyn. Qariiasyn syilap, tóbesine kótergen elden qasiet-kie degen ainalyp ótken emes!
Tilepbergenov O.N.
Ál-Farabi atyndaǵy QazUÝ Zań fakýlteti qylmystyq quqyq, qylmystyq is júrgizý jáne kriminalistika kafedrasynyń aǵa-oqytýshysy,zań ǵylymdarynyń kandidaty
El-tutqa stýdentter klýbynyń jetekshisi
