Naýryzdyń 26-synda Májilistiń plenarlyq otyrysy bastalǵanda tóraǵa Nurlan Nyǵmatýllin 65 jastan asqan halyq qalaýlylary Dúniejúzilik densaýlyqtaý saqtaý uiymy keńesimen karantinge ketip, úiden jumys isteitinin aitqan.
Jalpy, Májiliste 107 depýtat bar, sonyń 23-i 65 jastan asqan. Olardyń barlyǵyn emes, tym bolmasa ondyǵyn tizip kórdik.
Kommýnister fraktsiiasynyń kóshbasshysy Vladislav Kosarevtan bastasaq, ol 82 jasta. «Nurotandyq» Qýanysh Sultanov 75-te. Odan keiin Turǵyn Syzdyqov 73-ke tolypty. Vladimir Bojko da jas emes, 71-ge belesine shyqqan. Májilismen Serik Úmbetov 70 jasta. Al, Qazaqstan Halqy Assambleiasynan sailanǵan Ahmet Mýradov pen «nurotandyq» Janat Jarasov 69 da bolsa, Baidildá Jylqyshiev, Saýytbek Ábdirahmanov, Baqytjan Ertaev 68-de.
Virýs tez tarap, epedimiologiialyq ahýal kúrt nasharlaǵan soń, jýrnalister úshin kóptegen memlekettik organnyń esigi tars jabyq boldy. Sonyń ishinde Parlament te bar.
Dál qazir biz Májilis depýtattarynyń ne istep júrgenin nemese 65 jastan asqandarynyń qaida júrgendigin bilý úshin arna jýrnalisteri birinshi Vladislav Kosarevka habarlasqanda «Abonent bailanys aiasynan tys jerde» degen habar alypty.
Abyroi bolǵanda májilismen Ahmet Mýradov tutqasyn kóterip, qazir bári Parlament qabyrǵasynda eńbek etip júrgenin aitypty. Al Saýytbek Ábdirahmanovqa da telefon soqqanda ol «Offlain» dep qysqa ǵana jaýap beripti. Demek Sákeń jumysta.
Osylaisha Májilistegi qart depýtattar oryndarynda jaiǵasyp, aldaǵy eki ai qarqyndy jumys istemekke niettengen sekildi.
