ناۋرىزدىڭ 26-سىندا مەجٸلٸستٸڭ پلەنارلىق وتىرىسى باستالعاندا تٶراعا نۇرلان نىعماتۋللين 65 جاستان اسقان حالىق قالاۋلىلارى دٷنيەجٷزٸلٸك دەنساۋلىقتاۋ ساقتاۋ ۇيىمى كەڭەسٸمەن كارانتينگە كەتٸپ, ٷيدەن جۇمىس ٸستەيتٸنٸن ايتقان.
جالپى, مەجٸلٸستە 107 دەپۋتات بار, سونىڭ 23-ٸ 65 جاستان اسقان. ولاردىڭ بارلىعىن ەمەس, تىم بولماسا وندىعىن تٸزٸپ كٶردٸك.
كوممۋنيستەر فراكتسيياسىنىڭ كٶشباسشىسى ۆلاديسلاۆ كوسارەۆتان باستاساق, ول 82 جاستا. «نۇروتاندىق» قۋانىش سۇلتانوۆ 75-تە. ودان كەيٸن تۇرعىن سىزدىقوۆ 73-كە تولىپتى. ۆلاديمير بوجكو دا جاس ەمەس, 71-گە بەلەسٸنە شىققان. مەجٸلٸسمەن سەرٸك ٷمبەتوۆ 70 جاستا. ال, قازاقستان حالقى اسسامبلەياسىنان سايلانعان احمەت مۋرادوۆ پەن «نۇروتاندىق» جانات جاراسوۆ 69 دا بولسا, بايدٸلدە جىلقىشيەۆ, ساۋىتبەك ەبدٸراحمانوۆ, باقىتجان ەرتاەۆ 68-دە.
ۆيرۋس تەز تاراپ, ەپەديميولوگييالىق احۋال كٷرت ناشارلاعان سوڭ, جۋرناليستەر ٷشٸن كٶپتەگەن مەملەكەتتٸك ورگاننىڭ ەسٸگٸ تارس جابىق بولدى. سونىڭ ٸشٸندە پارلامەنت تە بار.
دەل قازٸر بٸز مەجٸلٸس دەپۋتاتتارىنىڭ نە ٸستەپ جٷرگەنٸن نەمەسە 65 جاستان اسقاندارىنىڭ قايدا جٷرگەندٸگٸن بٸلۋ ٷشٸن ارنا جۋرناليستەرٸ بٸرٸنشٸ ۆلاديسلاۆ كوسارەۆكا حابارلاسقاندا «ابونەنت بايلانىس اياسىنان تىس جەردە» دەگەن حابار الىپتى.
ابىروي بولعاندا مەجٸلٸسمەن احمەت مۋرادوۆ تۇتقاسىن كٶتەرٸپ, قازٸر بەرٸ پارلامەنت قابىرعاسىندا ەڭبەك ەتٸپ جٷرگەنٸن ايتىپتى. ال ساۋىتبەك ەبدٸراحمانوۆقا دا تەلەفون سوققاندا ول «وففلاين» دەپ قىسقا عانا جاۋاپ بەرٸپتٸ. دەمەك سەكەڭ جۇمىستا.
وسىلايشا مەجٸلٸستەگٸ قارت دەپۋتاتتار ورىندارىندا جايعاسىپ, الداعى ەكٸ اي قارقىندى جۇمىس ٸستەمەككە نيەتتەنگەن سەكٸلدٸ.
