Qarmet-te tonaýmen ainalysqandar ustaldy, - dep habarlaidy Dalanews.kz.
Ishki ister ministrligi jedel aqparatty júzege asyrý barysynda Aqmola oblysy PD uiymdasqan qylmysqa qarsy kúres basqarmasy "Qarmet" AQ ókildiginiń aýmaǵynan janar-jaǵarmai materialdaryn urlaý boiynsha qylmystyq shemany jolǵa qoiǵan adamdar tobynyń zańsyz áreketine tosqaýyl qoidy.
Top músheleri ózderiniń bul áreketterin uzaq ýaqyt boiy júzege asyrǵany anyqtaldy. Jábirlenýshi taraptyń málimetteri boiynsha olardyń kesirinen kásiporynǵa 50 mln teńgeden astam somaǵa shyǵyn keltirilgen.
"Budan basqa, "Qarmet" AQ qaýipsizdik qyzmetimen birlesip, kásiporyn qyzmetkerleriniń, onyń ishinde kúzet qyzmetiniń janar-jaǵarmai jymqyrýǵa qatysy bar-joǵy tekserilip jatyr. Tintý is-sharalary barysynda ustalǵandardan 5,5 tonnaǵa jýyq dizel otyny, iri kólemde qarajat jáne is boiynsha ózge de zattai dáleldemeler tárkilendi. Barlyq kúdikti ýaqytsha ustaý izoliatoryna qamaldy. Sotqa deiingi tergeý júrgizilip jatyr", – dedi IIM uiymdasqan qylmysqa qarsy kúres departamentiniń ókili Qýandyq Alpys.
