Qarmet kompaniiasy, "QazTransOil" AQ jáne onyń enshiles uiymy – "Magistraldyq sý qubyry" JShS metall synyqtaryn tikelei jetkizý týraly kelisimderge qol qoidy. Bul áriptestik otandyq óndiristi qoldaýǵa, el ishindegi ónerkásiptik kooperatsiiany damytýǵa jáne shikizatty Qazaqstan aýmaǵynda qaita óńdeý kólemin ulǵaitýǵa baǵyttalǵan, dep habarlaidy dalanews.kz.
Qol jetkizilgen kelisimder qazaqstandyq kásiporyndardy strategiialyq mańyzy bar shikizatpen qamtamasyz etýdiń tiimdi tetigin qalyptastyrý maqsatynda kompaniialar, memlekettik organdar jáne salalyq qaýymdastyqtardyń birlesken jumysynyń nátijesi boldy.
Metall synyqtaryn tikelei jetkizý júiesin iske asyrý úshin «QazTransOil» kompaniialar toby birqatar daiyndyq jumystaryn júrgizdi. Atap aitqanda, qara jáne tústi metall synyqtary men qaldyqtarynyń kóterme saýdasyn júzege asyrýǵa qajetti ruqsattardy alyp, quryltai qujattaryna ózgerister engizip, ónimdi ótkizýge qatysty ishki rásimderdi bekitti.
«QazTransOil» AQ men Qarmet arasyndaǵy kelisim bir jyl merzimge jasalsa, «Magistraldyq sý qubyry» JShS-men jasalǵan kelisimniń merzimi – bes jyl. Yntymaqtastyqtyń kelesi kezeńinde paidalanylǵan qubyr ónimderin jetkizý jónindegi kelisimshartqa qol qoiý josparlanyp otyr.
Metall synyqtaryn tikelei jetkizý Qarmet kompaniiasyna metallýrgiialyq óndiris úshin qosymsha shikizat kólemin alýǵa, ony el ishinde qaita óńdeý úlesin arttyrýǵa jáne qaitalama materialdyq resýrstardy tiimdi paidalanýǵa múmkindik beredi.
Qarmet pen «QazTransOil» arasyndaǵy bul áriptestik ónerkásiptik kooperatsiiany damytýǵa jáne Qazaqstannyń óndiristik áleýetin nyǵaitýǵa baǵyttalǵan taǵy bir mańyzdy qadam bolmaq.
