QR Qarjy vitse-ministri Erjan Birjanov Qazaqstan triatlon federatsiiasynyń prezidenti bolyp sailandy. Bul týraly QR Týrizm jáne sport ministrliginiń baspasóz qyzmeti aqparat taratty, dep habarlaidy Dalanews.kz.
Birjanov buǵan deiin osy qoǵamdyq birlestiktiń birinshi vitse-prezidenti qyzmetin atqaryp kelgen.
Burynǵy basshy Dáýren Ádilbekovtiń ókilettigi merziminen buryn toqtatyldy, dep naqtylaidy ministrlik.
Birjanov 1979 jyly dúniege kelgen. Soltústik Qazaqstan oblysynyń joǵary oqý oryndarynda "Ekonomika jáne menedjment" jáne "Quqyqtaný" mamandyqtary boiynsha bilim alǵan. QAZMZÝ-da jáne Shveitsariiadaǵy Biznes jáne halyqaralyq zertteýler ýniversitetinde (UBIS) MVA dárejesin alǵan. Qarjy ministrliginde, Prezident Ákimshiliginde, UQK-da jumys istegen. Qarjy vitse-ministri laýazymyna 2022 jyly shildede taǵaiyndalǵan.
