Qazaqstanda onlain-kazino qyzmetine tyiym salynǵan. Alaida kóleńkeli platformalar bul tyiymdy elemeidi – zańsyz biznes ókilderi zań sheńberinde áreket etýge daǵdylanbaǵan.
Olardyń qyzmetin paidalanatyn azamattar avtomatty túrde eki ese táýekelge tap bolady: birinshiden, qarjylyq shyǵynǵa ushyraý, ekinshiden, bir sátte jeke derekterinen aiyrylyp qalý qaýpi bar.
Soǵan qaramastan, qazaqstandyqtar kúmándi tsifrlyq alańdarda oinaýdy jalǵastyrýda. Qarjylyq monitoring agenttiginiń málimetinshe, tek «1WIN» resýrsynda myńdaǵan qazaqstandyq azamattar tirkelgen. Bul uiym Qazaqstanda ǵana emes, shekaradan tys jerde de zańsyz jumys istegen, sonymen qatar zańsyz býkmekerlik qyzmetter usynǵan.
«1WIN» uiymdastyrýshylaryna tek paida tabý ǵana mańyzdy bolǵandyqtan, olar stavkalardy internet-ekvairing arqyly qabyldap, kámelet jasyna tolmaǵandardy qumar oiyndarǵa tartqan. Nátijesinde kóleńkeli ainalym 3,8 milliard teńgege jetken.
«Qazirgi ýaqytta «1WIN» boiynsha tergeý júrgizilýde. Onlain-kazinonyń internet-resýrsy buǵattalyp, onyń tórt quryltaishysy – RF azamaty Sergei Chernyh, Ýkraina azamatshasy Marina Iýdina jáne Qazaqstan azamattary Pavel Nesterenko men Tursyn Mýsalieva halyqaralyq izdeýge jariialandy», – dep habarlaidy Qarjylyq monitoring agenttigi.
Sonymen qatar, bul tulǵalar zańsyz oiyn biznesin uiymdastyrýmen qatar, adamdardy erkindiginen aiyrý jáne olarǵa kúsh kórsetý áreketterinde de kúdikke ilingen.
Vedomstvo sonymen birge olardyń jalpy somasy 1,5 milliard teńge bolatyn múlki men aqshalai qarajatyna tyiym salynǵanyn málimdedi. Buǵan qosa, «Mercedes-Maybach S500» jáne «Lamborghini Huracan» avtokólikteri tárkilengen.
Degenmen, zańsyz áreketter toqtatylǵanyna qaramastan, «1WIN» klientteriniń aldynda jańa problemalar týyndady. Onlain-kazino saity buzylyp, exploit.in forýmynda onyń kelýshileriniń málimetteri – aty-jónderi, telefon nómirleri, jeke telegram-kanaldary men qupiiasózderi, sondai-aq ázirleýshilerdiń jeke derekteri men kazino jumysynyń algoritmderi paida boldy.
Sondyqtan búginde telefon men internet alaiaqtar telefon nómirin, týǵan kúnin jáne esimin biletinine tańǵalýdyń qajeti joq. Bul tusta damyǵan elderdiń tájiribesine súienip, kámeletke tolmaǵandar men nesie boiynsha qaryzy bar adamdardyń oinaýyn shekteý jáne "jaýapty oiyn" qaǵidatyn engizý mańyzdy.
