Sherzat Bolattyń ákesi Qarjaýbai Nurymovqa jala japty degen aiyp taǵylǵan Baýyrjan Abdrahmanovqa qatysty taǵy bir úkim shyqty. Bul týraly osy otbasynyń advokaty Meiirman Shekeev málimdedi, dep habarlaidy Dalanews.kz.
Málimetke súiensek, Baýyrjan Abdrahmanov áleýmettik jelide "Sherzat Qarjaýbai ustap júrgen pyshaqtan mert boldy" degen málimdeme jasaǵan.
"Doktorǵa qatysty taǵy bir sot sheshimi shyqty. Bul jeńistiń dámi bólek. Qarjaýbaiǵa jala jaýyp 20 táýlikke qamalǵan "Doktor" bostandyqqa shyqqannan soń taǵy bir sot sheshimin oryndaýǵa mindetteldi.
Sherzattyń otbasyn toqtaýsyz qaralaǵan "Doktor" jariialy túrde Qarjaýbaidan keshirim suraýǵa mindetteldi", - dedi advokat.
Sonymen qatar, ol 400 000 teńge moraldyq shyǵyn jáne 500 000 teńge ókildik qyzmet retinde aqsha tóleýge mindettelgen.
Aita keteiik, buǵan deiin ol Sherzattyń ápkesi Baqyt Reimovany sýitsidke itermeledi kúdikpen qamaýǵa alynǵan bolatyn. Sot sheshimimen bloger biyl 2 sáýirde 20 táýlikke qamaýǵa alynǵan edi.
