“Toqaev jańa ministrdi Májilistiń kelisimimen ǵana taǵaiyndai alady. Depýtattar jazǵy demalysta júr. Qarashókeevti Aýylminniń mindetin atqarýshy (m.a.) qylyp qoidy”, – deidi ol.
Sarapshy jańa ministrdiń qyzmetin atqaratyn Qarashókeeevtiń kásibi biliktiligine kúmánmen qaraidy.
“Ol buǵan deiin “QazAgro-ny” basqardy, vitse-ministr boldy. Shyny kerek, holding Úkimet kútken údeden shyǵa almai otyr, Toqaev kompaniianyń jumysynda kóptegen kemshilikterdi kózge shuqyp kórsetken edi. “QazAgro” synnan sabaq alǵanǵa uqsamaidy.
Qarashókeev? Ol aýyl ómirinen múlde habarsyz, aýyl tirshiliginen maqurym maman. Keńseniń adamy”, – deidi Áshimbaev.
Sarapshy Omarovty Qarashókeevke aýystyrǵan Toqaevtyń sheshim qabyldarda nege súiengenin túsinbeitinin aitady. Eks-ministrdiń ornyna aýyl sharýashylyǵyn búge-shigesine deiin biletin, osy salada azdy-kópti tájiribesi mamandy taǵaiyndasa bir jón. Ainalyp kelgende, álgi taǵaiyndaýdan túk ózgermeidi.
Sói degen Áshimbaev Aýylminniń qyzmetin naqty kim atqaratyny kúzge deiin belgisiz kúide qalady dep boljaidy.
“Shilde men tamyzdy Aýyl sharýashylyǵyna jaýap beretin ministrsiz ári-sári kúide ótkeremiz. Biylǵy qýańshylyq pen qymbatshylyqty eskerer bolsaq, bútin bir salanyń basshysyz otyrýy jaǵdaidy ýshyqtyra túspese, jaqsartpaidy.
Bylaisha aitqanda, eger aldaǵy ýaqytta aýyl sharýashylyǵy salasynda áldebir apat bolsa, buǵan eshkim jaýap bermeidi, eshkim muny moinymen kótermeidi. Omarovpen qosh aitystyq, onyń ornyna kelgen Qarashókeev ministrdiń "mindetti atqarýshy" ǵana.
Omarovty otstavkaǵa ketirdik eken, endeshe onyń ornyna qaýyrt jumys isteitin, jurtpen júzdesip, tildese alatyn adamdy otyrǵyzý qajet edi. Belsendi depýtattar men elgezek ákimderdiń birin taǵaiyndaý qajet edi. Jalpy bul ministrlikke elge tanymal, saiasi sahnada salmaǵy bar tulǵany otyrǵyzý qajet. Biliktiń tańdaýy Qarashókeevke tústi. Mundai tiptegi mamandardyń ádetti túk tyndyrmasyna kózimiz jetken. Tájiribesi az mamandy aýyl sharýashylyǵyna mańailatpaý qajet”, – deidi ol.
