Keshe Almaty oblysy Qarasaı aýdandyq aýrýhanasynyń ınfeksıalyq bólimine koronovırýs juqtyrǵan oblystyń bir turǵyny jatqyzyldy. Ol 17 naýryzda Saýd Arabıasynan Ystambul men Bishkek arqyly ushyp kelgen. Bul Almaty oblysynda tirkelgen 1-shi, al elimiz boıynsha 53-i jaǵdaı, – dep habarlaıdy Almaty oblysy ákiminiń baspasóz qyzmeti.

Syrqattyń aıtýynsha 19-ynan bastap aýrý belgileri baıqala bastaǵan, ol medısınalyq kómekke 20 naýryzda júgingen. Qazir naýqastyń jaǵdaıy ortasha aýyr dep baǵalanyp otyr.

Onyń 11 adammen baılanysta bolǵany anyqtaldy, sonyń 4-eýi – óz otbasynyń músheleri, 3-eýi – qulshylyqqa birge barǵandar, 2-eýi dostary. Baılanysta bolǵan basqalary anyqtalýda, oblys aýmaǵynda turatyn, syrqatpen baılanysta bolǵandar provızorlyq stasıonarǵa oqshaýlanady.

Sapardan kelgennen keıin Jambyl oblysy men Almaty qalasynda baılanys jasaǵan azamattary týraly málimetter tıisti organdarǵa berildi.