Densaýlyq saqtaý ministri 15 tamyzǵa deiin elimizde bosandyrý qyzmetin kórsetetin barlyq 69 meditsinalyq uiymda aýqymdy tekseris júrgizýdi tapsyrdy, dep habarlaidy dalanews.kz.
Sanitariia-epidemiologiialyq baqylaý komiteti infektsiialyq baqylaý talaptary saqtalýyn baǵalap, analar men jańa týǵan nárestelerdiń qaýipsizdigin barynsha qamtamasyz etýge jáne aýrýhanaishilik infektsiialardyń aldyn alý sharalaryn kúsheitýge nazar aýdarady.
"Infektsiialyq baqylaý júiesiniń basty mindeti - saldarmen kúresý emes, qaterdiń aldyn alý. Árbir jaǵdai kásibi turǵydan jan-jaqty taldanyp, naýqastardyń qaýipsizdigin arttyrýǵa baǵyttalǵan naqty sheshimder qabyldaýǵa negiz bolýǵa tiis", – dep atap ótti densaýlyq saqtaý ministri Aqmaral Álnazarova.
Ministr tergep-tekserý tásilderin qaita qaraýdy, profilaktikaǵa basymdyq bere otyryp, sanitariialyq qaǵidalar men memlekettik baqylaýdyń tekserý paraqtaryn jańartýdy, sondai-aq, árbir jaǵdaidyń týyndaý sebepterine obektivti baǵa berýdi tapsyrdy.
Eske salaiyq, jýyrda Almaty oblysy Qarasai aýdandyq aýrýhanasynda úshem shetinep ketti, áieldiń otbasy buǵan dárigerlerdi kinálady.
