Qarsylasyn sailaý naýqanynan bas tartýǵa úgittep, óz shtabyna qosylýǵa shaqyrǵan Saltanat Tursynbekova Ábdenniń baǵdarlamasyn ábden talǵanyn málim etti.
"Qaraqat Jaqsylyqqyzynyń baǵdarlamasyn taldap, kezdesýlerin saraptai kele, kei tustarda oiymyz toǵysatynyn túsinemin.
Biraq aita keteiin, Qaraqat Jaqsylyqqyzynyń saiasi tájiribesi az, sailaýshylarmen kezdesýlerde onyń baǵdarlamasynyń jón-josyǵyn túsindirip, mádeni-buqaralyq is-sharalary úshin túsinikteme berýime týra keledi.
Qaraqatty óz komandama shaqyramyn. Áielderdiń daýysy basym ári anyq shyǵýy úshin biz birigýimiz kerek.
Sailaýshylardyń daýysyn ekige bólmei-aq qoiaiyq.
Qaraqat Jaqsylyqqyzy, sailaý naýqanynan bas tartyp, meniń komandama, shtabyma qosylyńyz. Áielder men otbasynyń múddesin alǵa jyljytýǵa birge kúsh salaiyq!
Onyń ústine, meniń qarsylasym usynatyn bastamalardyń kóbi meniń sailaýaldy baǵdarlamamnyń bir blogynda ǵana – «Halyqty áleýmettik qorǵaýda» qamtylǵan.
Degenmen, men sot-quqyqtyq reformany, memlekettik institýttardy demokratiialandyrýdy, azamattyq qoǵamdy damytý úshin eleýli ózgeristerdi de usynamyn", – dedi ol.
Uzaq jyldar boiy áielderdiń quqyǵyn qorǵaýmen ainalysyp jatqanyn aitqan Saltanat Tursynbekova qazaq áieline, qazaq otbasyna ne kerek ekenin bes saýsaǵyndai biletinin aitady.
"Taǵy da qaitalap aitamyn, Qaraqat Jaqsylyqqyzy, meniń komandama qosylyńyz, birge jumys istep, usynystaryńyzdy sailaýshylarǵa jan-jaqty jetkizýge ýáde beremin", – dedi.
