Qaraǵusova hanym, ailyqty kóterýge qatysty usynysyńyz ne boldy?
Sizge aitar bir ideiam bar. Elimizdegi millionerler men milliarderlerdiń salyq tólemderin 10 paiyzdan 25-ǵa deiin kóterinizder! Sonda kóp nársege qarajat tabylady.
Ekinshi, nesieni 3-4 paiyzǵa deiin túsirińizder, (Eýropada 1 paiyzdanda tómen) Sonymen qatar, nesieniń ýaqytytyn 15 jylǵa deiin qysqartyńyzdar!
Nesieniń ýaqytyn uzartý bankirlerdiń qamyn oilaǵandaryńyz. 12 milliondyq bir bólmeli páterge áýelgi jarnany 2 400 000 teńgeni óz qaltamnan tólesem de bankten alatyn 9 600 000 teńgege, sizderdiń 7 paiyzdyq nesieńizben qarapaiym halyq ai saiyn 67 824 teńgeni 25 jyl tólese, 20 347 200 teńge shyǵady.
Bul aqshaǵa bir bólmeli eki páter satyp alýǵa bolady. Gúljan hanym ekonomika ǵylymdarynyń doktorysyz ǵoi. Esepteńiz! Muny halyqqa kórsetilgen jeńildik dep aitýǵa bola ma?
Stýdentterdi jataqhanamen qamtamsyz etý, elimizdi gazdandyrý, bolashaq kásipkerlerge qoldaý kórsetý durys bastama. Tek bilik bul isti aiaǵyna deiin jetkizýi kerek. Kezekti bos ýáde bolyp qalmaýyn qadaǵalańyzdar.
Aitpaqshy, millionerlerge, milliarderlerge, latifýndisterge salyqty kóbeitý arqyly joǵarǵy máselelerdi sheshýge de qarajat tabaýǵa bolady. Muny ekonomist emes adamnyń "sholaq" aqyly dep oilap qalmańyz.
Sanat Súgiráli
