Ol ózi ministr bolyp turǵanda bul kórsetkish 4 esege tómen bolǵanyn mysalǵa keltirip, al búgingi kórsetkishtiń jumyspen qamtý boiynsha osy kúnge deiingi barlyq memlekettik baǵdarlamalardyń túk jumys istemegininiń dáleli bola alady dep ashyndy, dep habarlaidy Dalanews.kz.
- Biýdjetke qatysty, bul arada nazar salatyn myna jalǵyz nárse bar: Aida Adenqyzy (QR Ekonomika ministrliginiń jaýapty hatshysy), sizden suraiyn degenim, tipti jaýabyńyzdyń keregi de joq maǵan. Ózim-aq barlyq aqshany sanap alamyn.
Mynaý degen buryn-sońdy bolmaǵan jaǵdai bizde. Qazaqstan táýelsizdik alǵaly bergi búkil tarihynda ataýly áleýmettik kómek alatyn munsha adam bolǵan emes. Munyń bári qaidan shyqty?
1 million 800 myń, bul degenińiz 2 millionǵa jýyq adam. Bizde jumysqa jaramdy adamnyń ózi 8 million.
Bul salyq tóleýshilerdiń aqshasy ǵoi, - dedi Qaraǵusova 2019 jylǵa arnalǵan respýblikalyq biýdjetke engizilgen túzetýler men ózgerister týraly zań jobasynyń Májilistegi talqysy kezinde.
Ol 2007 jyly ataýly áleýmettik kómek alǵan azamattar sany birneshe ese az bolǵanyn basa atap ótti.
- 2007 jyly, biz ketken kezde, men ministr bolyp kettim emes pe, sol kezde bul tsifr birneshe ese tómen bolatyn. Onda da ol kezde jaǵdai óte nashar boldy, jumys orny az, aqsha da bolmady, biraq biz sol kezde bul kórsetkishti 1,5 millionnan 500 myńǵa deiin tómendetkenbiz.
Odan beri ne boldy, jumyspen qamtý boiynsha úlken baǵdarlamalar jumys istedi emes pe? Biz "Atamekenge" oqýǵa, qaita daiarlaýǵa jáne mikrokreditteý úshin azamattardy joldap otyrdyq.
Údemeli indýstrialdyq-inoovatsiialyq damý baǵdarlamasyn júzege asyrýdyń II-kezeńi kezinde 1200 kásiporyn ashyldy. Odan beri jalaqyny da kóterip kelemiz. Ne boldy? Sonyń nátijesi qaida? Munyń bárine kim jaýap beredi? Sondyqtan, maǵan - jumys tobynyń aldyna esepterińizdi ótkizińizder: birinshiden, "Jumyspen qamtý" dep atalatyn baǵdarlamalarǵa qansha qarajat jumsaldy, onyń tiimdiligi týraly biz birneshe ret másele kóterdik; ekinshiden, osy kezeńge deiin qansha baǵytta shaǵyn nesieler bólindi. Taldaýdy ózimiz-aq jasap alamyz, - dep túsindirdi depýtat.
Biýdjetti naqtylaý boiynsha jumys tobynyń jumysy búgin ótedi.
