ول ٶزٸ مينيستر بولىپ تۇرعاندا بۇل كٶرسەتكٸش 4 ەسەگە تٶمەن بولعانىن مىسالعا كەلتٸرٸپ, ال بٷگٸنگٸ كٶرسەتكٸشتٸڭ جۇمىسپەن قامتۋ بويىنشا وسى كٷنگە دەيٸنگٸ بارلىق مەملەكەتتٸك باعدارلامالاردىڭ تٷك جۇمىس ٸستەمەگٸنٸنٸڭ دەلەلٸ بولا الادى دەپ اشىندى, دەپ حابارلايدى Dalanews.kz.
- بيۋدجەتكە قاتىستى, بۇل ارادا نازار سالاتىن مىنا جالعىز نەرسە بار: ايدا ادەنقىزى (قر ەكونوميكا مينيسترلٸگٸنٸڭ جاۋاپتى حاتشىسى), سٸزدەن سۇرايىن دەگەنٸم, تٸپتٸ جاۋابىڭىزدىڭ كەرەگٸ دە جوق ماعان. ٶزٸم-اق بارلىق اقشانى ساناپ الامىن.
مىناۋ دەگەن بۇرىن-سوڭدى بولماعان جاعداي بٸزدە. قازاقستان تەۋەلسٸزدٸك العالى بەرگٸ بٷكٸل تاريحىندا اتاۋلى ەلەۋمەتتٸك كٶمەك الاتىن مۇنشا ادام بولعان ەمەس. مۇنىڭ بەرٸ قايدان شىقتى?
1 ميلليون 800 مىڭ, بۇل دەگەنٸڭٸز 2 ميلليونعا جۋىق ادام. بٸزدە جۇمىسقا جارامدى ادامنىڭ ٶزٸ 8 ميلليون.
بۇل سالىق تٶلەۋشٸلەردٸڭ اقشاسى عوي, - دەدٸ قاراعۇسوۆا 2019 جىلعا ارنالعان رەسپۋبليكالىق بيۋدجەتكە ەنگٸزٸلگەن تٷزەتۋلەر مەن ٶزگەرٸستەر تۋرالى زاڭ جوباسىنىڭ مەجٸلٸستەگٸ تالقىسى كەزٸندە.
ول 2007 جىلى اتاۋلى ەلەۋمەتتٸك كٶمەك العان ازاماتتار سانى بٸرنەشە ەسە از بولعانىن باسا اتاپ ٶتتٸ.
- 2007 جىلى, بٸز كەتكەن كەزدە, مەن مينيستر بولىپ كەتتٸم ەمەس پە, سول كەزدە بۇل تسيفر بٸرنەشە ەسە تٶمەن بولاتىن. وندا دا ول كەزدە جاعداي ٶتە ناشار بولدى, جۇمىس ورنى از, اقشا دا بولمادى, بٸراق بٸز سول كەزدە بۇل كٶرسەتكٸشتٸ 1,5 ميلليوننان 500 مىڭعا دەيٸن تٶمەندەتكەنبٸز.
ودان بەرٸ نە بولدى, جۇمىسپەن قامتۋ بويىنشا ٷلكەن باعدارلامالار جۇمىس ٸستەدٸ ەمەس پە? بٸز "اتامەكەنگە" وقۋعا, قايتا دايارلاۋعا جەنە ميكروكرەديتتەۋ ٷشٸن ازاماتتاردى جولداپ وتىردىق.
ٷدەمەلٸ يندۋستريالدىق-ينووۆاتسييالىق دامۋ باعدارلاماسىن جٷزەگە اسىرۋدىڭ ٸٸ-كەزەڭٸ كەزٸندە 1200 كەسٸپورىن اشىلدى. ودان بەرٸ جالاقىنى دا كٶتەرٸپ كەلەمٸز. نە بولدى? سونىڭ نەتيجەسٸ قايدا? مۇنىڭ بەرٸنە كٸم جاۋاپ بەرەدٸ? سوندىقتان, ماعان - جۇمىس توبىنىڭ الدىنا ەسەپتەرٸڭٸزدٸ ٶتكٸزٸڭٸزدەر: بٸرٸنشٸدەن, "جۇمىسپەن قامتۋ" دەپ اتالاتىن باعدارلامالارعا قانشا قاراجات جۇمسالدى, ونىڭ تيٸمدٸلٸگٸ تۋرالى بٸز بٸرنەشە رەت مەسەلە كٶتەردٸك; ەكٸنشٸدەن, وسى كەزەڭگە دەيٸن قانشا باعىتتا شاعىن نەسيەلەر بٶلٸندٸ. تالداۋدى ٶزٸمٸز-اق جاساپ الامىز, - دەپ تٷسٸندٸردٸ دەپۋتات.
بيۋدجەتتٸ ناقتىلاۋ بويىنشا جۇمىس توبىنىڭ جۇمىسى بٷگٸن ٶتەدٸ.
