Qaraǵandy oblysynda kámeletke tolmaǵandardyń motokólik basqarýyna bailanysty taǵy bir qaiǵyly oqiǵa tirkeldi, dep habarlaidy dalanews.kz.
9 mamyr kúni Qaraǵandy qalasyndaǵy Kókpekti stantsiiasynda 17 jastaǵy jasóspirim «Endýro» markaly mototsiklmen 8 jastaǵy qyz balany qaǵyp ketken.
Aýyr jaraqat alǵan bala oqiǵa ornynda kóz jumdy.
Al mototsikl júrgizgen jasóspirim túrli jaraqatpen meditsinalyq mekemege jetkizilgen.
Oqiǵa boiynsha qylmystyq is qozǵalyp, tergeý bastaldy.
Sonymen qatar kámeletke tolmaǵan júrgizýshiniń ata anasyna qatysty da qylmystyq is tirkeldi.
Is «Kólik quralyn basqarý quqyǵy joq adamǵa kólikti basqarýǵa ruqsat berý jáne onyń saldarynan abaisyzda adam ólimine ákelý» baby boiynsha qaralyp jatyr.
Qaraǵandy oblystyq politsiia departamenti júrgizýshilerge jol qozǵalysy erejelerin saqtaý jóninde birneshe ret eskertý jasalǵanyna qaramastan, óńirde aýyr saldary bar jol apattary jalǵasyp jatqanyn málimdedi.
Politsiia ata analardy kámeletke tolmaǵandarǵa motokólik tizgindetpeýge shaqyrdy.
Vedomstvonyń málimetinshe, qaýipsizdik talaptaryna salǵyrt qaraý orny tolmas qaiǵyǵa ákelýi múmkin.
