6 qyrkúiekte Qaraǵandy qalasynyń Álihan Bókeihan aýdanyndaǵy "Optimist" saiajai qoǵamynan oq jaraqatyn alǵan eki adamnyń máiiti tabyldy, dep habarlaidy dalanews.kz.
Kriminalnyi Kazahstan derekkóziniń málimetinshe, qaza tapqandar – 43 jastaǵy er adam men 55 jastaǵy áiel.
Aldyn ala málimet boiynsha, marqumdardyń biri saiajai qoǵamynyń tóraǵasy, al ekinshisi qoǵamdyq belsendi bolǵan.
Qos adamdy óltirý deregi boiynsha politsiia qylmystyq is qozǵady. Jedel izdestirý sharalary barysynda tártip saqshylary 56 jastaǵy kúdiktiniń kim ekenin anyqtap, ony ustady.
Qaraǵandy oblystyq politsiia departamentiniń málimetinshe, ustalǵan er adam kinásin moiyndaǵan. Qazirgi ýaqytta ol ýaqytsha ustaý izoliatoryna qamaldy.
Qylmystyń naqty mán-jaiy men oǵan ne sebep bolǵany anyqtalyp jatyr.
