Qaraǵandyda sot turǵynnyń sýretin onyń kelisiminsiz áleýmettik jelide jariialaǵan jaýapkerden 100 myń teńge óndirdi, dep habarlaidy dalanews.kz.
Is Qazybek bi aýdandyq sotynda qaralǵan. Sot azamattyń óz beinesine quqyǵyn qorǵap, Qazaqstan Respýblikasynyń Azamattyq kodeksiniń 145-babyna súiengen. IMG_2607.png
Sot anyqtaǵandai, 2026 jylǵy 20 aqpanda talapker Instagram áleýmettik jelisinen óziniń beinesi jariialanǵan jazbany baiqaǵan. Jariialanymda onyń sýreti mátinmen birge ornalastyrylǵan.
Osydan keiin áiel jaýapkerge sotqa deiingi talap joldap, jariialanymdy óshirýdi jáne moraldyq ziian úshin 250 myń teńge ótemaqy tóleýdi suraǵan. Alaida talap oryndalmaǵan soń, ol sotqa júgingen.
Talapker sottan sýretti áleýmettik jeliden alyp tastaýdy, ony ári qarai paidalanýǵa tyiym salýdy jáne moraldyq ziiandy óteýdi suraǵan.
Jaýapker talap aryzdy moiyndamaǵan. Onyń aitýynsha, talap alǵannan keiin jariialanym 2026 jylǵy 30 naýryzda óshirilgen.
Sot adamnyń beinesin onyń kelisiminsiz paidalanýǵa zańda kózdelgen jekelegen jaǵdailarda ǵana jol beriletinin atap ótti. Bul rette daýly fotosýrettiń jaýapkerdiń ashyq paraqshasynda talapkerdiń kelisiminsiz uzaq ýaqyt bolǵany anyqtalǵan. Al sýretti kelisimsiz paidalanýǵa zańda kózdelgen negizderdiń bar ekenine sot dálel tappaǵan. IMG_2607.png
Nátijesinde talap ishinara qanaǵattandyrylyp, jaýapkerden talapkerdiń paidasyna 100 myń teńge moraldyq ziian ótemaqysy jáne sot shyǵyndary óndirildi. Sondai-aq áieldiń sýretin ári qarai paidalanýǵa tyiym salyndy.
