Qaraǵandy oblysynyń prokýratýrasy memlekettik organdarmen birlesip, jazǵy saýyqtyrý lagerlerinde demalyp jatqan 1000 astam balany qamtyǵan aqparattyq-túsindirý is-sharalarynyń keshenin uiymdastyrdy, dep habarlaidy dalanews.kz.
Kezdesýdiń negizgi maqsaty jazǵy demalys kezeńinde kámeletke tolmaǵandardyń quqyqtyq saýattylyǵyn arttyrý, jeke qaýipsizdigin qamtamasyz etý jáne quqyq buzýshylyqtardyń aldyn alý máselelerin túsindirý boldy.
Is-shara barysynda býlling pen kiberbýllingtiń aldyn alý, psihoaktivti zattardy qoldanýdyń ziiandy saldary, sondai-aq jol qozǵalysy erejelerin saqtaý máselelerine erekshe nazar aýdaryldy.
Baǵdarlama teoriialyq jáne praktikalyq bólimderdi qamtydy. Balalar ómirlik jaǵdailardy taldaýǵa arnalǵan, interaktivti sabaqtarǵa qatysyp, politsiia jáne tótenshe jaǵdailar qyzmeti mamandarynyń jumysymen tanysty.
Mamandar arnaiy tehnika men jabdyqtardyń múmkindikterin kórsetip, óz qyzmetteri týraly aityp, balalarǵa qaýipsizdiktiń negizgi erejelerin eske saldy.
Tárbieshiler men tálimgerlerge janjal jaǵdailaryn, aýtodestrýktivti minez-qulyq belgilerin der kezinde anyqtaý jáne tótenshe jaǵdailar týyndaǵan kezde ýákiletti organdarmen ózara is-qimyl jasaý algoritmi boiynsha usynymdar berildi.
