Qarjylyq monitoring agenttiginiń Qaraǵandy oblysy boiynsha departamenti Balqash qalasyna qarasty Saiaq aýylynyń mańynda temir men marganets kenin zańsyz óndirýdi toqtatty. Bul jumysty «Vertex Co.» jáne «MiningMetall» JShS direktory uiymdastyrǵan, dep habarlaidy dalanews.kz.
Ken óndirý jumystary jer qoinaýyn paidalanýǵa tiisti quqyqsyz jáne qajetti ruqsat qujattarynsyz júrgizilgen. Ken oryndaryn igerýge jaldamaly jumysshylar men ekskavatorlar, tiegishter, ken usatatyn qondyrǵy jáne samosvaldar siiaqty arnaiy tehnikalar tartylǵan.
Óndirilgen ken usatylyp, keiin syrtqa shyǵarý jáne satý úshin temirjol stantsiiasyna jetkizilip otyrǵan. Tekserý barysynda jerdiń ústińgi qabaty aýqymdy kólemde arshylyp, ken qazylǵan úsh karer anyqtaldy.
Qazyp alynǵan topyraqtyń jalpy kólemi 338 myń tekshe metrge jetken. Mamandardyń esebinshe, búlingen jerdi qalpyna keltirip, karerlerdi qaita óńdeýge jaramdy kúige keltirý úshin 485 mln teńge qajet.
Sottyń ruqsatymen eki arnaiy tehnikaǵa, bir avtokólikke jáne kommertsiialyq úi-jaiǵa tyiym salyndy. Kúdiktige kepil túrindegi bultartpaý sharasy qoldanyldy. Tergeý jalǵasyp jatyr.
QR Qylmystyq-protsestik kodeksiniń 201-babyna sáikes ózge málimetter jariia etilmeidi.
