2026 jyldyń sáýir aiynda Qazaqstannyń 15 eldi mekeninde atmosferalyq aýanyń lastaný deńgeii joǵary jáne óte joǵary bolǵan. Bul týraly “Qazgidromet” málimdedi, dep habarlaidy dalanews.kz.
Aýa sapasy boiynsha eń qolaisyz jaǵdai Qaraǵandy men Petropavl qalalarynda tirkeldi. Bul qalalar aýanyń lastaný deńgeii "óte joǵary" sanatyna engizilgen.
Sondai-aq Astana, Almaty, Aqtóbe, Atyraý, Óskemen, Pavlodar, Temirtaý jáne taǵy basqa birqatar qalada aýa sapasy joǵary deńgeide lastanǵan dep baǵalandy.
Jalpy respýblika boiynsha 36 eldi mekende aýa sapasy tómen lastaný deńgeiinde bolsa, 17 eldi mekende lastaný deńgeii joǵarylaǵan. Al 13 qalada aýa lastanýy joǵary deńgeide tirkelse, eki qalada bul kórsetkish óte joǵary deńgeige jetken.
Mamandardyń aitýynsha, aýanyń lastanýyna negizinen usaq shań bólshekteri (PM2.5 jáne PM10), azot dioksidi, kúkirt dioksidi jáne kómirtek totyǵy sebep bolǵan.
Budan bólek, sáýir aiynda elimizdegi jerústi sý nysandarynyń sapasy jalpy alǵanda turaqty deńgeide saqtalǵan. Alaida keibir ózender men kanaldarda lastaýshy zattardyń mólsheri joǵary bolyp, olardyń qatarynda sýlfattar, magnii, ammonii, mys jáne organikalyq zattar anyqta
