Qaraǵandy oblysynda bilim salasynda 300 million teńgeden astam urlyq faktisi anyqtaldy, dep habarlaidy Dalanews.kz.
Qaraǵandy oblysynyń prokýratýrasy «№33 mektep-bóbekjai-baqsha kesheni» KMM-de biýdjet zańnamasynyń saqtalýyna tekserý júrgizdi.
Tekseris barysynda atalǵan mekemeniń eki esepshisiniń 15 jyl boiy ózderine belgilengen normadan artyq jalaqyny zańsyz aýdarǵandyǵy anyqtaldy. Urlyqtyń somasy 300 million teńgeden asty.
Atalǵan fakti boiynsha sotqa deiingi tergeý amaldary júrgizilýde.
