Qaraǵandy oblysynda qonys aýdarýshylarǵa bólingen qarjynyń maqsatsyz paidalanylǵany anyqtaldy, dep habarlaidy Dalanews.kz.
Turǵyn úi satyp alýǵa arnalǵan qarajat basqa maqsattarǵa jumsalǵan.
"Atap aitqanda, 2023 jyly Astanadan Nura aýdanyna kóship kelgen azamat O.Kósherbai satyp alǵan úiine qonystanbaǵan. Ony kóshirýge 966 000 teńge jáne turǵyn úi satyp alýyna — 4 000 000 teńge bólingen. 2023 jyldyń qarasha aiynda ol 8 300 000 teńgege páter satyp alý-satý shartyn bekitken. Alaida, tekserý barysynda atalǵan úide burynǵy iesi men onyń otbasy turyp jatqany anyqtaldy", - dep habarlady prokýratýra.
Prokýratýra qabyldaǵan sharalardyń nátijesinde Ó.Kósherbai memlekettik biýdjetke 2 000 000 teńgeni qaitardy. Qalǵan somaǵa sotqa talap-aryz berildi.
