قاراعاندى وبلىسىندا قونىس اۋدارۋشىلارعا بولىنگەن قارجىنىڭ ماقساتسىز پايدالانىلعانى انىقتالدى، دەپ حابارلايدى Dalanews.kz.
تۇرعىن ءۇي ساتىپ الۋعا ارنالعان قاراجات باسقا ماقساتتارعا جۇمسالعان.
"اتاپ ايتقاندا، 2023 جىلى استانادان نۇرا اۋدانىنا كوشىپ كەلگەن ازامات و.كوشەرباي ساتىپ العان ۇيىنە قونىستانباعان. ونى كوشىرۋگە 966 000 تەڭگە جانە تۇرعىن ءۇي ساتىپ الۋىنا — 4 000 000 تەڭگە بولىنگەن. 2023 جىلدىڭ قاراشا ايىندا ول 8 300 000 تەڭگەگە پاتەر ساتىپ الۋ-ساتۋ شارتىن بەكىتكەن. الايدا، تەكسەرۋ بارىسىندا اتالعان ۇيدە بۇرىنعى يەسى مەن ونىڭ وتباسى تۇرىپ جاتقانى انىقتالدى"، - دەپ حابارلادى پروكۋراتۋرا.
پروكۋراتۋرا قابىلداعان شارالاردىڭ ناتيجەسىندە ءو.كوشەرباي مەملەكەتتىك بيۋدجەتكە 2 000 000 تەڭگەنى قايتاردى. قالعان سوماعا سوتقا تالاپ-ارىز بەرىلدى.
