Qaraǵandyda er adam oiyn alańynda kámeletke tolmaǵan balaǵa shabýyl jasady, dep habarlaidy Dalanews.kz.
Oqiǵa 12 sáýir kúni Trýdovaia kóshesindegi turǵyn úilerdiń biriniń aýlasynda bolǵan.
Kýágerlerdiń aitýynsha, aldymen balalar arasynda janjal týyndaǵan. Keiin olardyń biri ata-anasyna habarlasqannan keiin oiyn alańyna er adam kelgen. Ol ózge balany tunshyqtyryp, keiin qatty silkilei bastaǵan. Saldarynan bala jerge qulap, dem ala almai qalǵan.
Qaraǵandy oblystyq politsiia departamentiniń málimetinshe, bul jait quqyq qorǵaý organdaryna áleýmettik jelilerge júrgizilgen monitoring barysynda belgili bolǵan.
Qazirgi ýaqytta janjalǵa qatysqan barlyq azamat anyqtalyp, politsiia bólimine jetkizilgen.
Atalǵan derek boiynsha tekserý júrgizilip jatyr. Onyń qorytyndysy boiynsha oqiǵaǵa qatysýshylardyń árqaisysynyń áreketine quqyqtyq baǵa beriledi.
