Qarjylyq monitoring agenttigi Qaraǵandy oblysynda bassein salýǵa bólingen biýdjet qarajatyn jymqyrý faktisin tergep jatyr, dep habarlaidy Dalanews.kz.
QMA málimetinshe, balalar sportyn damytýǵa baǵyttalǵan áleýmettik mańyzy bar obektiniń qurylysyn baqylaǵan azamat oryndalǵan jumystardyń jalǵan aktileri boiynsha jetkizilmegen qurylys materialdary úshin ózine qarasty kásiporynnyń shotyna, sondai-aq bassein qurylysyna qatysy joq basqa kásiporyndardyń atyna qarajat aýdarǵan.
"Keshendi sot qurylysy-ekonomikalyq saraptamasynyń, sot-ekonomikalyq saraptamanyń qorytyndysyna sáikes, memleketke oryndalmaǵan jumystar men jetkizilmegen materialdardan turatyn 130 mln teńgeden astam zalal keltirilgen.
Atalǵan azamat ustalyp, oǵan qatysty sot "úi qamaqa alý" sharasyn qoldandy", – delingen habarlamada.
Qazirgi ýaqytta sotqa deiingi tergeý júrgizilýde. QR QPK-niń 201-baby tártibindegi ózge de aqparat jariia etýge jatpaidy.
QR Konstitýtsiiasynyń 77-baby 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-baby 1-bóligine sáikes, qylmystyq quqyqbuzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi.
