2024 jylǵy 5 shildede Qaraǵandy qalasynda Qazaqstanda atom elektr stantsiiasyn (AES) salý máselesi boiynsha jariia talqylaý ótti, dep habarlaidy Dalanews.kz.
Qoǵamdyq talqylaýǵa qala turǵyndary, qoǵam qairatkerleri men ekologtar qatysty.
Tyńdaý aiasynda Energetika ministrliginiń, «Qazaqstandyq atom elektr stantsiialary» JShS, Ulttyq iadrolyq ortalyq jáne Iadrolyq fizika institýtynyń ókilderi sóz sóilep, AES salýdyń artyqshylyqtary, qazirgi atom stantsiialarynyń qaýipsizdigi, jumys printsipteri jáne AES-tiń qorshaǵan ortaǵa jáne adam densaýlyǵyna áser etý deńgeii týraly aityp berdi.
QR EM Atom energetikasy jáne ónerkásip departamenti direktorynyń orynbasary Gúlmira Mýrsalova óz sózinde Qazaqstanda AES salý eldiń energetikalyq qaýipsizdigin qamtamasyz etý úshin strategiialyq mańyzdy sheshim bolyp tabylatynyn atap ótti.
Onyń aitýynsha, Memleket basshysy 2019 jyly atom elektr stantsiiasyn salý máselesin kótergen. Bes jyl buryn Prezident óz sózinde bul máseleni halyqpen mindetti túrde talqylaitynymyzdy aitty. Máseleniń erekshe mańyzdylyǵyn túsine otyryp, memleket talqylaý protsesin uiymdastyrdy.
«AES kómirsýtek resýrstary men energiiany syrttan tutynýdy azaitatyn turaqty jáne senimdi energiia kózi bolyp tabylady. Energiia tutynýdyń artýy jáne tómen kómirtekti ekonomikaǵa kóshý qajettiligi jaǵdaiynda atom energetikasy ońtaily sheshim bolyp tabylady. AES kómirqyshqyl gazyn jáne basqa parniktik gazdardy is júzinde shyǵarmaidy, bul onyń ekologiialyq taza joba ekenin kórsetedi», - dedi G. Mýrsalova.
«Qazaqstandyq atom elektr stantsiialary» JShS Bas direktory Timýr Jantikinnińaitýynsha, Qazaqstanda AES ornalastyrý aýdanyn tańdaý boiynsha zertteýler júrgizildi, olardyń nátijeleri AEHA-men baǵalandy. AEHA qorytyndysynda AES-ti Balqash kóline jaqyn ornalastyrýǵa kedergi keltiretin faktorlar joq ekendigi atap ótildi.
«QR Ulttyq iadrolyq ortalyǵy» RMK bas direktory Erlan Batyrbekov zamanaýi reaktorlardyń qaýipsizdigi týraly aityp berdi. Ol atom salasynyń ulttyq kásiporyndarynyń biliktiliginiń joǵary deńgeiin jáne qolda bar kadrlyq áleýetin atap ótti. QR Ulttyq iadrolyq ortalyǵy qoldanystaǵy jáne perspektivaly iadrolyq reaktorlardyń qaýipsizdigin negizdeý úshin atom energetikasynyń jetekshi jetkizýshilerimen birlesip zertteýler júrgizedi. Zertteý nátijeleri álemde jumys istep turǵan AES-terde qoldaý tapty -dep túsindirdi E. Batyrbekov.
Kezdesýdi qorytyndylai kele, qatysýshylar AES salý jobasy týraly jurtshylyqty odan ári habardar etýdiń jáne Qazaqstanda atom energetikasyn damytýǵa bailanysty máselelerdi talqylaýǵa azamattardy belsendi tartýdyń mańyzdylyǵyn atap ótti.
Esterińizge sala keteiik, Memleket basshysy Qazaqstanda AES salý máselesi boiynsha jalpyulttyq referendým ótkizýge bastamashy boldy.
Aǵymdaǵy jyldyń maýsym aiynda Qasym-Jomart Toqaev referendým biyl kúzde ótetinin málimdedi.
