Qaraǵandy indýstriialyq ýniversiteti ǵylymi materialdardy plagiatqa tekserýi tiis merdigermen bolǵan sotta jeńiske jetti, dep habarlaidy Dalanews.kz.
Atalǵan qyzmetti kórsetýge konkýrs jeńimpazy atanǵan kompaniianyń Resei, TMD elderi jáne Eýropa ǵylymi eńbekteriniń derekter bazasy bolmaǵan.
Jambyl oblysy mamandandyrylǵan aýdanaralyq ekonomikalyq sotynyń baspasóz qyzmetiniń málimetinshe, aqpanda ýniversitet pen JShS arasynda ǵylymi materialdardy plagiatqa tekserý qyzmetin kórsetý jóninde 1,9 mln teńgege shart jasalǵan. Alaida keiin oqý orny usynylǵan júieniń tehnikalyq sipattama talaptaryna sai kelmeitinin anyqtaǵan. Atap aitqanda, Resei, TMD jáne Eýropa elderiniń ǵylymi eńbekteriniń derekter bazasy bolmaǵan.
"Bul tekserýdiń obektivtiligi men dáldigin aitarlyqtai tómendetti. Talapkerdiń aitýynsha, bul ýniversitettiń ulttyq jáne halyqaralyq deńgeidegi akademiialyq bedeline keri áser etýi múmkin edi", – dep málimdedi sotta.
Nátijesinde kelisimshart birjaqty tártippen buzylyp, qyzmet qabyldanbady jáne aqysy tólenbedi. Alaida JShS ókilderi baǵdarlamalyq qamtamasyz etý is júzinde qoldanylǵanyn, qyzmetkerleri 200-den astam ǵylymi jumysty teksergenin alǵa tartty.
"Sot jaýapkerdiń tapsyrys berýshiniń talaptarynan habardar bolǵanyn, biraq óz júiesin kelisimshart sharttaryna sai etpegenin anyqtady. Júiege qoiylǵan bastapqy talaptar tehnikalyq sipattamada naqty kórsetilgen, al olardy oryndamaý tapsyrys berýshiniń kútken nátijege qol jetkizýine múmkindik bermedi", – dep kórsetti sot úkiminde.
Sot ýniversitettiń talabyn qanaǵattandyryp, JShS-ny memlekettik satyp alýlardyń adal emes qatysýshysy dep tanydy. Sondai-aq odan memlekettik baj óndirý týraly sheshim shyǵardy.
Sot sheshimi ázirge zańdy kúshine engen joq.
