3 mamyr kúni Qaraǵandy-Balqash tas jolynda, Aqsý Aiýly kentine jetpei "Reno" júk kóligimen "Toiota" avtokóliginiń qatysýymen jol-kólik oqiǵasy boldy, dep habarlaidy Dalanews.kz.
"Jol-kólik oqiǵasynyń saldarynan "Toiota" avtokóliginiń júrgizýshisi jáne onyń 4 jolaýshysy oqiǵa ornynda qaza boldy. Júk kóliginiń júrgizýshisi aýrýhanaǵa jetkizildi", – delingen qalalyq politsiia departamentiniń habarlamasynda.
Atalǵan derek boiynsha qylmystyq is qozǵaldy. Tergeý áreketteri kezinde oqiǵanyń mán-jaiy jáne jol-kólik oqiǵasyna kináli anyqtalady.
Qaraǵandy oblystyq politsiia departamenti júrgizýshilerden, jyldamdyqty shekten tys asyrmaýdy jáne jol júrý erejesin qatań saqtaýdy suraidy.
