Qaraǵandy oblysynda júk poiyzy temir joldy jóndep jatqan tórt jumysshyny basyp ketken, dep habarlaidy Dalanews.kz.
10 jeltoqsanda saǵat 17:15-te Moiynty-Shyǵanaq ýchaskesindegi Sheshenqara-Qarajanǵyl aralyǵynda júk poiyzy qozǵalyp kele jatqan kezde mashinist shuǵyl tejegen. Osy kezde Saryshaǵan stantsiiasynyń jol brigadasy relsti aýystyrý boiynsha josparly jumystardy oryndap jatqan.
"Barlyq qajet sharaǵa qaramastan, jazataiym oqiǵanyń aldyn alý múmkin bolmady. Tórt jumysshy jaraqattan kóz jumdy. Oqiǵanyń barlyq mán-jaiy men sebepterin anyqtaý úshin arnaiy komissiia quryldy. Komissiia tekseris júrgizý úshin oqiǵa ornyna jedel attandy", - dep jazylǵan habarlamada.
"Qazaqstan temir joly" UK" AQ málimetinshe, qaza tapqandardyń otbasylaryna qoldaý kórsetiledi.
