قاراعاندى وبلىسىندا جٷك پويىزى تەمٸر جولدى جٶندەپ جاتقان تٶرت جۇمىسشىنى باسىپ كەتكەن, دەپ حابارلايدى Dalanews.kz.
10 جەلتوقساندا ساعات 17:15-تە مويىنتى-شىعاناق ۋچاسكەسٸندەگٸ شەشەنقارا-قاراجانعىل ارالىعىندا جٷك پويىزى قوزعالىپ كەلە جاتقان كەزدە ماشينيست شۇعىل تەجەگەن. وسى كەزدە سارىشاعان ستانتسيياسىنىڭ جول بريگاداسى رەلستٸ اۋىستىرۋ بويىنشا جوسپارلى جۇمىستاردى ورىنداپ جاتقان.
"بارلىق قاجەت شاراعا قاراماستان, جازاتايىم وقيعانىڭ الدىن الۋ مٷمكٸن بولمادى. تٶرت جۇمىسشى جاراقاتتان كٶز جۇمدى. وقيعانىڭ بارلىق مەن-جايى مەن سەبەپتەرٸن انىقتاۋ ٷشٸن ارنايى كوميسسييا قۇرىلدى. كوميسسييا تەكسەرٸس جٷرگٸزۋ ٷشٸن وقيعا ورنىنا جەدەل اتتاندى", - دەپ جازىلعان حابارلامادا.
"قازاقستان تەمٸر جولى" ۇك" اق مەلٸمەتٸنشە, قازا تاپقانداردىڭ وتباسىلارىنا قولداۋ كٶرسەتٸلەدٸ.
