Qaraǵandy oblysy boiynsha memlekettik múlik jáne jekeshelendirý departamentiniń basshysy sottaldy, dep habarlaidy Dalanews.kz.
Qaraǵandy qalasy Álihan Bókeihan aýdanynyń soty Qaraǵandy oblysy boiynsha Memlekettik múlik jáne jekeshelendirý Departamentiniń basshysy D. Hamzinge jáne osy Departamenttiń qarjylyq qamtamasyz etý bóliminiń basshysy K.Qashqynbaevqa qatysty úkim shyǵardy.
Hamzin Qazynashylyq Departamentiniń ǵimaratyn aǵymdaǵy jóndeý boiynsha oryndalǵan jumystar aktisine qol qoiǵany úshin 1 mln teńge kóleminde para alǵany úshin kináli dep tanyldy.
Sonymen qatar ol Qashqynbaevpen birge topta olarmen úlestes tulǵalardy jalǵan jumysqa ornalastyrý arqyly 2,5 mln teńge jymqyrdy.
Hamzin men Qashqynbaevqa tiisinshe 55 mln teńge jáne 25,4 mln teńge aiyppul túrinde jaza taǵaiyndaldy.
Sondai-aq, olarǵa memlekettik qyzmette jáne kvazimemlekettik sektor sýbektilerinde qyzmet atqarýǵa ómir boiy tyiym salyndy.
Sot aktisi zańdy kúshine engen joq.
