قاراعاندى وبلىسى بويىنشا مەملەكەتتىك مۇلىك جانە جەكەشەلەندىرۋ دەپارتامەنتىنىڭ باسشىسى سوتتالدى، دەپ حابارلايدى Dalanews.kz.
قاراعاندى قالاسى ءاليحان بوكەيحان اۋدانىنىڭ سوتى قاراعاندى وبلىسى بويىنشا مەملەكەتتىك مۇلىك جانە جەكەشەلەندىرۋ دەپارتامەنتىنىڭ باسشىسى د. حامزينگە جانە وسى دەپارتامەنتتىڭ قارجىلىق قامتاماسىز ەتۋ ءبولىمىنىڭ باسشىسى ك.قاشقىنبايەۆقا قاتىستى ۇكىم شىعاردى.
حامزين قازىناشىلىق دەپارتامەنتىنىڭ عيماراتىن اعىمداعى جوندەۋ بويىنشا ورىندالعان جۇمىستار اكتىسىنە قول قويعانى ءۇشىن 1 ملن تەڭگە كولەمىندە پارا العانى ءۇشىن كىنالى دەپ تانىلدى.
سونىمەن قاتار ول قاشقىنبايەۆپەن بىرگە توپتا ولارمەن ۇلەستەس تۇلعالاردى جالعان جۇمىسقا ورنالاستىرۋ ارقىلى 2،5 ملن تەڭگە جىمقىردى.
حامزين مەن قاشقىنبايەۆقا تيىسىنشە 55 ملن تەڭگە جانە 25،4 ملن تەڭگە ايىپپۇل تۇرىندە جازا تاعايىندالدى.
سونداي-اق، ولارعا مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە قىزمەت اتقارۋعا ءومىر بويى تىيىم سالىندى.
سوت اكتىسى زاڭدى كۇشىنە ەنگەن جوق.
