Qaraǵandy oblysynyń politsiia departamenti aýqymdy jedel-profilaktikalyq is-sharanyń qorytyndysyn jariialady, dep habarlaidy Dala news.
Migratsiialyq qyzmet ókilderi 192 jyljymaityn múlik nysanyn teksergen. Erekshe nazar bir mekenjaiǵa shamadan tys kóp adamnyń tirkelý derekterine aýdaryldy. Tekserilgen nysandarda resmi túrde 4 644 Qazaqstan azamaty men 546 sheteldik tirkeýde turǵan.
Sonymen qatar 11 áleýmettik mańyzy bar nysan – jataqhanalar men meditsinalyq ortalyqtar tekserildi. Nátijesinde 37 turǵyn úide adamdardy jappai tirkeý faktisi anyqtalǵan.
Qaraǵandy oblysy PD kóshi-qon qyzmeti basqarmasynyń bastyǵy Arman Ýálievtiń málimetinshe, operatsiia barysynda 441 quqyq buzýshylyq tirkeldi. 106 adam (103 QR azamaty jáne 3 sheteldik) tirkeý esebinen shyǵaryldy. Turǵyn úi ieleri ákimshilik jaýapkershilikke tartylǵan.
Politsiia zań buzýshylyqtardy anyqtaýda tsifrlyq monitoringti de qoldanǵan. Áleýmettik jelilerdi baqylaý kezinde jeke úi iesi jalǵa berý jáne tirkeý qyzmetin usynǵany belgili boldy. 20 aqpandaǵy tekseris kezinde onyń mekenjaiynda 21 adam tirkelgeni anyqtalǵan. Nátijesinde jarnama alynyp tastalyp, bir adam tirkeýden shyǵarylyp, úi iesine qatysty shara qoldanylǵan.
Budan bólek, Shet aýdanynda memlekettik shekarany zańsyz kesip ótken sheteldik azamat anyqtaldy.
Politsiia ókilderi tirkeý talaptaryn saqtaý qoǵamdyq qaýipsizdiktiń mańyzdy bóligi ekenin atap ótti.
