Qaraǵandy oblysynda burynǵy aýyl ákimi 23 jastaǵy qyzdy zorlady degen kúdikke ilindi. Dalanews.kz oqiǵaǵa sholý jasap shyqty.
Ata-anasynyń úndeýi
Telegram arnalardyń birinde erli-zaiyptynyń Qaraǵandy oblysy Shet aýdany Aqshataý aýylynyń ákimin "qyzymyzdy zorlady" dep aiyptaǵan úndeýi paida boldy.
Olardyń sózinshe, Aqshataý aýylynyń ákimi Nurlan Seiilbekov otbasylyq dostary bolǵan. Ol 2023 jyly ákim qyzmetine kirisken. Sol ýaqytta erli-zaiyptynyń qyzy oqýyn bitirgen. Olardyń aitýynsha, Nurlan Seiilbekov olardyń qyzdaryna jumys usynǵan. Keiin Shet aýdany ákimdigi onyń kandidatýrasyn qoldaǵan.
Qyzdyń ata-anasynyń aitýynsha, oqiǵa 2024 jyly bolǵan, eks-ákim qyzǵa tiisip, soqqyǵa jyqqan.
Politsiia pikiri
BAQ-ta da aýyl ákimi qyz zorlady degen kúdikke ilingeni týraly aqparat paida boldy. Politsiianyń málimetinshe, Shet aýdanynyń 23 jastaǵy turǵyny aryzdy ózi jazǵan. Osylaisha qylmystyq is qozǵalǵan.
"Sol kúni politsiia kúdiktini ustap, ýaqytsha ustaý izoliatoryna qamady. Sot sanktsiiasy boiynsha oǵan úi qamaq túrindegi bultartpaý sharasy tańdaldy. Qadaǵalaý organy sot alqasyna jeke apelliatsiialyq ótinish berdi. Nátijesinde ótinish qanaǵattandyryldy, sondyqtan qamaýda ustaý túrindegi bultartpaý sharasy tańdaldy. Qazir tergeý júrip jatyr", - dedi politsiia.
Ákimdik ne deidi?
Shet aýdany ákimdigi málimetinshe, qylmystyq is qozǵalǵan kezde sheneýnik ákim qyzmetin atqarmaǵan.
"Qylmystyq is qozǵalǵan kezde ol aýyl ákimi qyzmetin atqarǵan joq. Bul istiń jeke sipaty bar", - dep jazylǵan habarlamada.
Aita keteiik, buǵan deiin BAQ-ta memlekettik organnyń resmi saittarynda kúdikti áli de aýyl ákimi retinde turǵany aityldy. Degenmen resmi saitta ózgeris bolyp, ákim mindetin atqarýshy retinde basqa tulǵa kórsetilgen.
Ashyq derekkóz málimetine súiensek, Nurlan Seiilbekov 1978 jylǵy 7 shildede Qaraǵandy oblysy Shet aýdany Aqsý-Aiýly aýylynda dúniege kelgen. 2018 jylǵy mamyrdan 2023 jylǵy qyrkúiekke deiin Aqsý-Aiýlyda Shet aýdanynyń jer qatynastary bólimin basqarǵan. 2023 jylǵy 20 qyrkúiekten bastap Qaraǵandy oblysy Aqshataý aýylynyń ákimi qyzmetin atqarǵan.
