Qaraǵandy oblysynda qart áielderdi aldap, aqshasyn iemdenip kelgen alaiaqtar toby qolǵa tústi, dep habarlaidy Dala News.
Politsiia málimetinshe, Temirtaýdan shyqqan kúdiktiler úi telefondaryna habarlasyp, ózderin zeinetkerlerdiń ulymyz dep tanystyrǵan. Olar «sálemdeme jetkizý úshin shuǵyl aqsha tóleý kerek» dep sendirip, qarttardy aldaǵan.
Sengish ájeler kýrerlerge 320 myń teńgeden 4 million teńgege deiingi jinaǵyn berip otyrǵan.
Qaraǵandy oblystyq politsiia departamentiniń dereginshe, kúdiktilerge qatysty qylmystyq ister qozǵaldy, olardyń basqa da uqsas qylmystarǵa qatysy tekserilýde.
Zardap shekkenderdiń arasynda 90 jastaǵy áiel de bar. Alaiaqtar odan shamamen 2 million teńge alyp ketken.
Politsiianyń aldyn ala málimeti boiynsha, ustalǵan toptyń keminde toǵyz epizodqa qatysy bar.
