Qaraǵandy oblysyna qarasty Shahtinsk qalasynyń mańynda jolaýshylar avtobýsy joldan shyǵyp ketti. Oqiǵa Shahtinskiden shyǵar tusta bolǵan, dep habarlaidy Dalanews.kz.
Aldyn ala málimetke sáikes avtobýs boran men kóktaiǵaq kezinde jol shetine aýdarylǵan. Avtobýs salonynda shamamen 50 jolaýshy bolǵan.
Qaraǵandy oblystyq Politsiia departamentiniń baspasóz qyzmeti málimetinshe, jol apaty saldarynan qaza tapqandar men zardap shekkender joq.
Vedomstvo ókilderi júrgizýshilerdi qolaisyz aýa raiy kezinde barynsha saq bolýǵa shaqyrdy.
"Boran, qatty jel men kóktaiǵaq jol qozǵalysyna úlken qaýip tóndiredi. Jyldamdyqty saqtap, araqashyqtyqty ustanyp, qaýipti burylystan aýlaq bolyńyzdar", – dep eskertti politsiia.
