Serik Sápiev týrizm jáne sport ministriniń shtattan tys keńesshisi bolyp taǵaiyndaldy, dep habarlaidy Dalanews.kz.
Ministrlik málimetinshe, Serik Sápiev týrizm jáne sport ministriniń shtattan tys keńesshisi – jazǵy HH Aziia oiyndaryna daiyndyq shtabynyń sport boiynsha úilestirýshisi bolyp taǵaiyndalǵan.
"Bul sheshim byltyr kúshine engen "Dene shynyqtyrý jáne sport týraly" zańnyń jańa redaktsiiasynda kózdelgen rotatsiia aiasynda qabyldandy", - dep jazylǵan habarlamada.
Serik Sápiev - bokstan London Olimpiadasynyń chempiony, 2010 jyly Gýanchjoý qalasynda ótken jazǵy Aziia oiyndarynyń jeńimpazy.
Buǵan deiin QR Parlamenti Májilisiniń depýtaty, QR Mádeniet jáne sport ministrliginiń Sport jáne dene shynyqtyrý isteri komitetiniń tóraǵasy, óńirlik basqarma basshysy qyzmetterin atqarǵan.
Qazirgi tańda ol - Qazaqstan Respýblikasynyń Ulttyq sýrdlimpiadalyq komitetiniń prezidenti. Shtab quramyna Týrizm jáne sport ministrliginiń ókilderi, ulttyq sport federatsiialarynyń jetekshileri jáne sport salasynyń ardagerleri endi. Olar daiyndyqtyń árbir kezeńin pysyqtap, qoiylǵan mindetterdiń ýaqtyly ári sapaly oryndalýyn qamtamasyz etedi.
Aita keteiik, búgin, 3 aqpanda Qaraǵandy oblysynyń Dene shynyqtyrý jáne sport basqarmasynda vedomstvo basshysy Serik Sápiev pen onyń orynbasary Dáýren Esimhanov óz erkimen atqaryp otyrǵan laýazymdarynan bosatyldy.
Eske salaiyq, buǵan deiin Serik Sápiev soqqyǵa jyǵylyp, orynbasary tergeýge alynǵanyn habarlaǵan edik.
Artynsha jelide oqiǵanyń videosy tarady. Serik Sápiev sol kúni daýly oqiǵaǵa bailanysty málimdeme jasaǵan edi.
Bul oqiǵaǵa bailanysty Qaraǵandynyń Sport basqarmasynda aýdit júrgiziletini de aityldy.
