Allur, QazTehna jáne Qarmet kompanıalary "Demeý Qazaqstan" korporatıvtik qoryna qarajat aýdardy, dep habarlaıdy Dalanews.kz.
"Tabıǵı apattar bizge birlik pen yntymaqtastyqty baǵalap, ózara qoldaý bildirýge shaqyrady. Kóptegen otandasymyz táýelsiz Qazaqstan tarıhyndaǵy eń iri sý tasqynynyń bel ortasynda qaldy. Kúshimizdi biriktirý arqyly biz bul kezeńdi mindetti túrde eńserip shyǵamyz", - dedi "QazTehna" JSHS bas dırektory Arǵulan Maıqonov.
Sonymen qatar Allur zaýytynyń dırektorynyń orynbasary Erlan Tóletaev ta tótenshe jaǵdaıǵa baılanysty pikir bildirdi.
"Osyndaı aýqymdy tabıǵı apattarǵa kelgende eshkim shette qalmaýy kerek. Sonyń ishinde bizdiń kásiporyndy da atap ótkim keledi. Kóktemgi sý tasqynynan zardap shekken árbir qazaqstandyqqa tıisti kómek kórsetilý qajet", - dedi ol.
